بسم الله الرحمن الرحيم
في هالموضوع بعرض لكم تفاصيل رحلتنا بالكامل
من مشينا من حايل لين وصلنا شقراء ,,
أتمنى إنه يعجبكم 
ملاحظه / الصور كثيره تحملوا شوي .. وجودتها الله بالخير
( توني اكتشف ان كاميرتي كانت مقلب كبير )
بداية رحلتنا كانت عصر الاربعاء جهزنا أغراضنا وشناطنا و حطيناها بالسياره ..
إنطلقنا على الساعه 5 ونص العصر ,,
وحنا في الطريق شفنا طيور مهاجره بأعداد كبيره مررره .. وصورت بعضها
وصلنا بريده مع أذان العشاء ,, ونمنا فيها
صباح الخميس مشينا الساعه 9 ونص لـ شقراء 
ومن كثر شوقنا كان المشوار طويييييل بالنسبه لنا 
لذلك دعس ابوي عالبنزين علشان نوصل بسرعه 
,, وكان الطريق
كله رعايا اغنام كثييره مرررره ماشاء الله
وأخيراً وصلنا شقراء 
وصلنا هناك حوالي الساعه 11وعلى طوول على الاستراحه
ومالقينا قدامنا الا عائلة ابو لمى كانوا توهم واصلين ,,
بعدها ماكملنا خمس دقائق الا بنت الدكتور داخله ,,
وبعدها عائلة العم محمد بن علي ..وكانت ام محمد الله يعطيها العافيه مجهزه كل شي
من الحلويات والمعجنات ( الله يكثر خيرهم )
وبعد كذا جو زوجات عيال العم بدر وبندر وأحمد
وعلى الساعه 2 أكتملوا الحضور تقريباً وتغدينا ..
اما البزارين ماشفناهم من جو وهم عند المراجيح وطعس الرمل اللي خرب الكشخه 
هذي صور بعضهم على المراجيح ..
وهذا غيهب بن ابراهيم الغيهب و اختي العنود 
وهذي طرفه بنت عبدالله بن علي ( ابو لمى )
بعد العصر كلمت ام لمى ابو لمى علشان نطلع نتمشى بعد ما اقلقناها نبي نطلع نبي نطلع 
وعطانا الموافقه 
.. وحنا ماصدقنا خبر طرناا لقطنا عباياتنا وشناطنا وطلعنا
وكنا مقسمين على سيارتين ,, مجموعه مع ابو لمى ومجموعه مع Oo9
رحنا قصر السبيعي بس للأسف ما دخلناه لأن آل صالح كانوا فيه ,,
عاد وحنا بالسياره شفت أبوي يصور فيديو ولقطته 
وهذولا بعض افراد عائلتنا وهم يدخلون القصر اللي ماقدرنا ندخله 
ثم قرر قائد الرحله أبو لمى إنه يآخذنا للحارة القديمة في أشيقر
بصراحه عالم ثاااااااااني ,, ياربي لك الحمد على النعمه اللي حنا فيها الحين
ما ادري كيف كانوا عايشين
يتبع ....
03-18-2007, 05:57 PM
(شقراء بعدسة شقراوية) تفاصيل رحلتنا ..أكثر من 40 صورة، رحلة شقراء 25-2-1428هـ
العرض الشجري