(شقراء بعدسة شقراوية) تفاصيل رحلتنا ..أكثر من 40 صورة، رحلة شقراء 25-2-1428هـ - الصفحة 2

Shagrawiah · #11 03-19-2007, 06:53 PM

سعود

فاتتك الرحله ,, لكن إن شاء الله تحضر المره الجايه
شاكره مرورك

بنت الدكتور

وش فيكم علي انتي وهيفاء ماتنادوني الا اليابانيه
على فكره تراني لاحظت إني أعديتك ,, نسيتي وش جلستي تصورين الصباح في الشقه
نورتي

هشام

شكراً على مرورك ,,

Shagrawiah · #12 03-19-2007, 08:14 PM

عُدنــــا

بعد ما ركبنا وحنا في الطريق صورت هالصور لشقراء ,,

هذا جامع المهنا ,, قيد الانشاء .. ماشاء الله رائع
الله لا يحرم من بناه الأجر

وهذا العثيم فرع شقراء ,, وشوفوا بيتزا هت <-- كشخه ياحنا

سجن شقراء

شلال شقراء الشهير .. هذي صورته في النهار عادي ,, لكن بالليل يطلع مره حلووو

وحنا في الطريق للحارة القديمه مافيه الا منافسات بالسرعه بين ابو لمى و أووص ..
مره نسبقهم ومره يسبقونا

وبعد مكالمات بينهم ومشاورات وين الطريق فيه ,, وصلنا بحفظ الله ورعايته

وبدأت الجوله .. وكانوا المرشدين السياحين رهيبين بصراحه
أبو لمى الله يعطيه العافيه عنده موسوعة معلومات استفدنا منه كثير ,, ولا يخلوا الشرح من بعض الذبات والتعليقات
اما أووص كان يسوي فينا مقالب خطيره .. و شبه المكان اللي حنا فيه بـ جزيرة LOST

هذا المكان توقفنا عنده ..

قولوا آمين جعلكم ماتصيرون غرباء وتسكنون فيها,, غرفة أقرب وصف لها انها قبر
شوفوها من داخل

بعدين رحنا للمسجد .. واللي مازالت تقام فيه الصلاة الى يومنا الحالي ولله الحمد

الغريب ان المسجد مع قدمه الا انه يحتوي ( خلوه ) وهي عباره عن مكان مثل القبو كانوا
يصلون فيه ايام المطر والبرد والبعض كان يعتكف فيه
نزلنا للخلوه عن طريق هالدرج

وهذي صوره للخلوه ,, للأسف مو واضحه لأن مافيه إضائه

وهذا أكبر بير وسواني شفناها في ذيك المنطقه ..

وهذا البير من داخل ,, بصراحه مدري كيف قدروا يبنونه ذيك الأيام بهالدقه ماشاء الله
ربي معطيهم قوه .. الله يخلف علينا الحين

وهذي صور متفرقه ,,

وفي أحد البيوت شفنا هالستاره الرهيبه .. شكلها طلبيه من برا

وبكذا تكون نهاية رحلتنا للبيوت الشعبيه ..واللي إتجهنا بعدها للمطل

ملاحظات هالجوله /

- أم لمى كان عندها قوة قلب ماشاء الله عليها .. اي باب تفتحه وتشوف وش فيه
ماكانت تخاف يطلع لها شي ولا يطيح عليها

- اووص هبلنا كل شوي يتوزا في مكان و يروعنا

- بغينا نضيع لكن الله ستر خخخخخـ

- صورنا صور للذكريات رهيييييبه ماحلمت في يوم إني بصورها

يتبــــــع ....

Shagrawiah · #13 03-19-2007, 08:45 PM

أووص

ماتشوفني كاتبه يتبع جعلك الصلاح

مكافح

العفو , ماسويت شي ,, شكراً لمرورك

أديب

الله يعافيك ,, ومشكور عالتثبيت

هيفاء · #14 03-19-2007, 09:47 PM

رووووووووووووووووووووعه

يسلمووووووو عالصور

أديب · #15 03-19-2007, 11:58 PM

ماشاء الله إبداع منقطع النظير...

ياليت الشباب بنفس حماس البنات في نشر الصور اللي صورها..

لكن بإذن الله راح تنزل إداة المنتدى تغطية رائعة لمجموعة من المصورين الشباب...

طبعا التغطيات بإشراف ثامر بن عبدالله...لاتتأخر علينا...

صالح · #16 03-20-2007, 01:56 AM

توثيق أكثر من رائع ...
بخصوص أوص , تراه من جنبها أما لو ذا المكان يشبه Lost كان شواطئ و كمبيوترات و علوووووووووم
بخصوص أبو لمى, أكيد ما خذ خفة الدم مني

لي طلب بسيط, أو ملاحظة الصور كلها مستضافة على موقع مجاني يعني ممكن أي واحد يربط عليها فيا حبذا لو يتم رفعها للمنتدى كمرفقات لحين يتم الإنتهاء من ألبوم الصور

Shagrawiah · #17 03-20-2007, 02:34 PM

النووري

الله يسلمك ويخليك ,, والله ماناقصنا الا انتم
بس الجايات أكثر إن شاء الله

هيفاء

اقول أعقلوا انتي وياها
تراكم صرتوا أردى مني كل شي تصورونه وأكبر دليل دجاج ولد خالك
ولو سمحتي الانشوده كذا ( بريده تألقي .. وللحضور تبسمي .. ورحبي بجمعهم أهلاً هلا يافرحتي )
<--- متأثره بالمجد

صالح

والله مدري وشو اللي بالمسجد بس أكيد إنه صبي أصلي <--- نحب التوثيق بسم الله علينا
أما لو الحاره مثل لوست كان شيييي ,, والأذرز الهنود اللي بالسياكل .. بس أخاف يطلع لنا الدخان الأسود ويمحط بنا

اقتباس:

لي طلب بسيط, أو ملاحظة الصور كلها مستضافة على موقع مجاني يعني ممكن أي واحد يربط عليها فيا حبذا لو يتم رفعها للمنتدى كمرفقات لحين يتم الإنتهاء من ألبوم الصور

مشكلة المرفقات إنها تطووول وتعلق كثير غير ان كل صوره وتعليقها تكون لحالها في رد تخيل الموضوع 44 رد كله صور
الا ليش مايكون فيه قسم اسمه التغطيات المصوره ومحد يدخله الا الاعضاء مثل الألبوم ؟ مجرد إقتراح

Shagrawiah · #18 03-20-2007, 03:36 PM

أديب

شفت شلون روح الحماس اللي فينا
يله عاد شدوا حيلكم يا الشباب
وتكفون نبي صور واضحه .. مو 4 صور في صوره <--- تقهر هالحركه
مشكور مره ثانيه

اووص

اقتباس:

اطلعي منها يا ماما << ماقد شفت وحده جبانه زيها

أنا جبانه
والله اني قويه .. حتى يوم اني صغيره كنت امسك الحمام والارانب ولا اخاف

اقتباس:

تذكرين يوم انذليتي لي عشان اوديكم للي تبونه .. ولاتبيني اذكرك << حجر لها هع هع

مايسوى علينا العثيم فرع شقراء
اجل لو انت مودينا المملكه والفيصليه كان وش بتسوي فينا

حيل الله قوي

هيفاء · #19 03-20-2007, 05:11 PM

شقراويه انا وش عرفنيي تحلقي ولا تعلقي هالبريده

المهم وهذي لعيونك صورة المدرسه
[IMG][/IMG]

موج البحر · #20 03-24-2007, 06:40 PM

مشكوووووووووووره شق شق
تغطيههههه جنان

كاني معكم صورتي كل شي من الى

يعطيك الف عافيه

ميمو

الذين يشاهدون محتوى الموضوع الآن : 1 ( الأعضاء 0 والزوار 1)